و بدأت من هنا رحلتي في إني ابحث عن مشروع يجمع بين الثلات حاجات ببساطة. و في خلال رحلة بحثي دي كنت دايما بقابل أفراد و ناس بيقولوا على نفسهم خبراء في مجالاتهم و كان دايما الرد و في معظم الوقت المعادلة صعبة يا دينا ! ما بتتحققش و ده حلم رومانسي انتي لوحدك اللي عايشة فيه !
لسة فاكرة شخص معين بعينه كان يعتبر من الناس اللي بيدعموا رواد الأعمال ويساعدوهم يبنوا شركاتهم الخاصة! من عشر سنين و يمكن اكتر من كده شوية و هو بيقولي كبري دماغك يادينا و روحي شوفيلك شغلانة أو حاجة تانية تعمليها بدل ما انتي بتحفري في الميا كده!وعمرك ما هتوصلي لحاجة!!
و برضو لسة فاكرة حالتي النفسية كانت ازاي بعد الاجتماع مع الشخص ده و كمية الاحباط اللي كنت فيها والضلمة اللي عيشتها فترة
طويلة وبرغم كده كان صوت خفيف جدا جوايا بيقولي كملي كملي أكيد هتلاقي حاجة في اخر الطريق . على الأقل يكفيكي شرف المحاولة. بدأت الرحلة في مجال ريادة الأعمال و المشاريع الصغيرة. و طبعا كل شوية كأن بيتأكدلي الفكرة الكئيبة اللي بتقول مستحيل تجمعي بين القيمة و المنفعة و المكسب في مشروع واحد. بس مافيش فايدة برضو الصوت اللي جوايا بيعلى ويزيد و يقولي كملي ..اقعي و كملي ..كملي يا دينا !!و أقع و أقوم تاني! و اكذب نفسي فترة و بعدين ارجع اقوم واصدقني تاني و اروح اشوف ازاي ممكن أحقق المعادلة اللي بيقولوا عليها مستحيلة دي
يعني مستحيل ابقى لوحدي على الكوكب اللي بيفكر بالطريقة دي !!!
و بعد محاولااااااااااااات رهيبة بدأت الدنيا تظهر واحدة واحدة أو يعني يظهر بوادر إن اللي انا بحلم بيه ده قابل للتحقيق
لما اتعرفت على مصطلح الإقتصاد الدائري. اللي بيقول إن في أمكانية للقضاء على الهدر والاستخدام المستمر للموارد.والأنظمة الدائرية عموما بتعتمد على إعادة الاستخدام والمشاركة والإصلاح والتجديد ..
الله...الله !! الكلام ده بدأ يلمس معايا و خلاني ارجع ابص على الأمور بطريقة مختلفة و بدأ الأمل يرجع تاني في إمكانية تحقيقق الحلم.لكن مافيش أي دليل على صحة الصوت اللي جوايا غير ايماني بحتمية وجود حاجة تانية غير العك ولكن كان في شوية نظريات بتقول جايز يحصل !
لحد ما لقيت دليل واقعي حقيقي و متحقق على أرض الواقع أيها السيدات و السادة هنا www.dayra.org شركة قائمة على بيع الملابس المستعملة عالية الجودة و بأسعار مناسبة لا ومش بس كده ده كمان لها أثر مجتمعي وبتساعد المؤسسات الخيرية وصديقة للبيئة. و مش بس كده ده كمان بتعمق في الناس قيم كتير جدا أولها الأستغناء و المشاركة والدعم و الحرية والمساواة و فتح فرص جديدة للناس لتحويل الحاجات اللي مالهاش لازمة عندهم ل فلوس !!!
وكان انضمامي لدايره التحول الحقيقي و الإثبات العملي اللي ربنا ورهولي ان فعلا الصوت اللي جوايا كان حقيقة. أيوة تقدر تكسب و تضيف قيمة و تقدم منتج بجودة عالية ! أهو المعادلة اهي بسيطة في دايره !! عشان كده أنا دخلت دايره ومؤمنة بيها و مؤمنة بالقيمة اللي بتقدمها و شايفة فيها المعادلة المستحيلة متحققة ولسة الدايره هتوسع و تكبر أكتر و انا مستمتعة و فخورة أن يكون ليا دور فيها !
والنهاردة انا بدعو أي حد عنده فكر مشابه اللي انا كتباه فوق او حابب يعرف أكتر عن دايره و يستفيد من وجوده في المجتمع ده أو عاوز يبني حاجة و الناس حواليه بتحبطه ينضم لمجتمع دايره لأنه هو مجتمع هيقدر يشوف و يتعلم فيه و منه كتير سواء على المستوى العملي أو التجاري أو الانساني أو البيئي ..أو أو أو ...
ودايره بالنسبة لي بداية جديدة في حياتي اللي كانت فتحة خير ودخلتني في دواير تانية هحكيلكم عليها بعدين ^_^
No comments:
Post a Comment